ឡាវ៖ រដ្ឋមន្រ្តីក្រសួងការពារជាតិ កម្ពុជា ឡាវ និងវៀតណាមបានជួបប្រាស្រ័យមិត្តភាពគ្នានូវចំណុចបង្គោលព្រំដែនជាប់ប្រទេសទាំងបី ស្ថិតនៅតំបន់មរកតកន្ទុយនាគ ខណៈបង្គោលស្ថិតនៅក្នុងតំបន់មរកតនេះ គឺជាការបង្ហាញនូវចំណងមិត្តភាពរវាងប្រទេសទាំងបីឲ្យកាន់តែប្រសើរបន្ថែមទៀតក្នុងកិច្ចការពារចំណុចព្រំដែនប្រទេសទាំងបី។

ក្នុងកិច្ចជំនួបប្រាស្រ័យមិត្តភាព ក្នុងក្របខណ្ឌរដ្ឋមន្រ្តីការពារជាតិលើកទី១ចំនួនបីប្រទេស កម្ពុជា ឡាវ វៀតណាមដែលហៅកាត់ថា CLVនេះ គឺក៏រួមគ្នាធ្វើពិធីគោរពបង្គោលព្រំដែនអធិបតេយ្យលាបពណ៌បង្គោល ការធ្វើជាសក្ខីភាពក្នុងការល្បាតរួមរវាងឆ្មាំការពារព្រំដែន ប្រទេសទាំងបី និងធ្វើពិធីដាំដើមឈើជានិមិត្តរូបផងដែរ នាថ្ងៃទី១៤ ខែធ្នូ ឆ្នាំ២០២៣។

ក្រោយធ្វើកិច្ចជំនួបប្រាស្រ័យគ្នានៅតំបន់មរកតកន្ទុយនាគ រដ្ឋមន្រ្តីការពារជាតិទាំងបីប្រទេស ក៏បាន អញ្ជើញពិនិត្យមើលលំហាត់សមយុទ្ធផ្នែកសុខាភិបាល របស់កងទ័ពទាំងបីលើប្រធានបទសង្រ្គោះគ្រោះមហន្តរាយ និងផ្នែកសុខាភិបាលនៅក្បែរតំបន់មរតកតកន្ទុយនាគ ចូលរួមពិធីកាត់ខ្សែបូរសម្ពោធអគារវប្បធម៌ នៅភូមិកាតា និងចុះសួរសុខទុក្ខ និងចែកអំណោយដល់សិស្សានុសិស្ស នៅសាលាបឋមសិក្សា បេវ៉ាន់ដាន ជាច្រើននាក់ផងដែរ៕